Ամենօրյա նախաճաշից հետո ունեցանք մի յուրօրինակ դասընթաց սեռերի անհավասարության մասին, որը սկզբում մեկնաբանվեց տղաների առավելությամբ, իսկ փոքր-ինչ անց պարզվեց հակառակը։ Էմոցիանիերով լի, մենք շարժվեցինք դեպի Մոլդովայի մայրաքաղաք` Քիշնև, բաժանվեցինք խմբերի և սկսեցինք ծանոթանալ քաղաքի հետ: Բազում արկածներից հետո, մեր առաջադրանքը կատարված էր։ Այնուհետև ընթրիքից հետո վերադարձանք հյուրանոց և պատրաստեցինք վերջին օրվա համար նախատեսված նամակները, որից հետո միացանք բոլորին և շարունակեցինք անցկացնել ուրախ ժամանակ։
Հանդիպում Ցոլակ Մլքե-Գակստյանի հետ
Մենք հանդիպեցինք միջազգային տարբեր նախագծերի և ծրագրերի հեղինակ Ցոլակ Մլքե-Գալստյանի հետ: Նշեմ, որ մենք քննարկում էինք տարբեր հարցեր՝ անգլերեն լեզվով, քանի որ այդ ճամբարը, որին մենք պետք է մասնակցենք լինելու է անգլերեն: Ցոլակը մեզ բացատրեց որոշ տերմիններ և դրանց նշանակությունները և բացատրեց, թե ինչպես կիրառել դրանք: Այնուհետև նա պատասխանեց մեզ հետաքրքրող բազմաթիվ հարցերի՝ կյանքի բազմաթիվ ոլորտներից և ասեմ, որ այդ պատասխանները իրոք շատ ինֆորմացիա տվեցին մեզ: Շնորհակալություն ենք հայտնում Ցոլակին հրաշալի հանդիպման համար:
Միքայել Հարությունյան 